1. Dhaqangelinta dastuurka kumeelgaarka ah oo kala qayaxaya awoodaha Golaha Wasiirada, Baarlamaanka, Garsoorka iyo Madaxweynaha anaga oo u aragna in Xad-gudub kasta oo lagu sameeyo awoodaha dastuurka horseedi karo khilaaf soo cusboonaada iyo isqabqabsi aan laheyn dhamaad.

2. Dhismaha xukuumad loo dhanyahay oo aay kawada qeyb galaan dhamaan dhinacyadii isku khilaafay mooshinkii laga keenay Ra'isulwasaare hore Cabdiweli Sheikh axmed .

3. Mudnaanta koobaad in lasiiyo la dagaalanka musuqmaasuqa , ninjecleysiga , laaluush siyaasadeedka baahay, kuwaas oo dhamaantood khatar ku ah nolasha iyo jiritaanka dawladnimada Soomaaliya.

4. Dedejinta in la qaado talaabooyin cad-cad oo lagu hirgelinayo Hiigsiga 2016, si loogu gudbo dawlad dimoqaraadi ah oo haysata taageerada dadweynaha, awoodna u leh dib- u dhiska ha'yadaha qaranka iyo ilaalinta karaamada iyo sharafka umadda.

5. Xoojinta wada shaqeynta xukuumadda iyo baarlamaanka si loo hello kalsooni wada-shaqeyneed oo joogta ah, taasoo yareynkarta soo noqoshada khilaaf ragaadiya habsami usocodka howlaha xukuumadda

6- Ugu danbeyntii, waxaan u rajeyneynaa Ra'isulwasaaraha guul, waxaana Ilaah uga baryeeynaa inuu waafajiyo wixii ummada kheyr u ah, kuna toosiyo waddda saxda ah, dadkeyna gaarsiineysa nabad, midnimo iyo barwaaqo.

Dhammaad.

Wararka hada soo baxaya ayaa sheegaya in Diyaaradan laga leeyahay wadanka Jordan (Urdun) oo kamid ah dalalka xulafada kula ah Maraykanka duqeynta lagu wado kooxda ISIS ee Siiriya iyo Ciraaq.

Qaar kamid ah goobaha Internetka ee lagu taageero kooxda ISIS ayaa lagu soo bandhigay sawirka duuliyihiin diyaaradaasi oo nool isla markaana ay gacanta ku dhigeen dagaalyahanada ISIS.

Dowlada Jordan ayaan weli ka hadlin diyaarada la sheegay in maanta oo Arbaca ah looga soo riday wadanka Siiriya.

Maaha markii ugu horeysay oo diyaaradaha ka qeyb qaadanaya duqeynta ISIS ay soo dhacaan waxaa horey uga dhintay Maraykanka mid kamid ah duuliyayaashooda diyaaradaha F16 oo la sheegay inay la dhacday diyaaradiisa kadib wax lagu sheegay cilad farsamo.

Balse kooxda ISIS ayaa marar hore internetka ku baahiyey in ay horey usoo rideen diyaarado kala duwan oo ay leeyihiin dowladaha uu Maraykanka hogaaminayo, walow warbixinadaasi hore aan loo heyn wax xaqiijiya.

W/ Q Khalid Yusuf