Cristiano Ronaldo oo farta ka saaray kooxda Real Madrid koobka UEFA-Super Cup 2014 (Daawo Muuqaal+Sawiro ) !!

Xiddiga Qaranka Portugal Cristiano Ronaldo ayaa kooxda Los Blancos Real Madrid wuxuu u suurto galiyay inay qaadaan koobka UEFA Super Cup 2014 oo ciyaartiisii fiinaalka eheed lagu qabtay magaalada Cardiff ee dalka Wales.

Kulankaan oo ahaa mid adag waliba dhex maray kooxaha Real Madrid oo soo qaaday koobka UEFA Champions League iyo kooxda Fc Sevilla oo iyana ku soo guuleeysatay koobka UEFA Europa League ayaa waxaa 2-0 ku badisay kooxda Real Madrid.

Goolasha Real Madrid oo aad u qurux badnaa waxaa dhamaan u wada saxiixay laacib Cristiano Ronaldo (daqiiqadihii 30-aad iyo 49-aad) ka dib markii uu labo baas ka kala helay laacibiinta kala ah Gareth Bale iyo Karem Benzema. Waa markii labaad oo ay kooxda Real Madrid qaado koobka UEFA Super Cup tan iyo sanadkii 2002-dii.

Kooxda Fc Sevilla waxaa koobkaan UEFA Super Cup-ka ugu dambeeysay sanadkii 2006 xiligaas oo ay 3-0 kaga qaadeen kooxda Fc Barcelona oo wadatay laacibiinta kala ah Lionel Messi, Ronaldinho iyo weeraryahan Samuel Eto’o. Koobkaan waxaa sanadkii ugu dambeeyay qaaday kooxda Fc Bayern München oo Rigooreyaal kaga qaaday naadiga Fc Chelsea. Kulankaan adag waxaa soo xaadiray in ka badan 31.000 oo taageerayaasha labada dhinac ah.

XIDDIGAHA REAL MADRID VS FC SEVILLA AYAA QAABKAAN ISKU FARA SAARAY :

Real Madrid : Goolhaye Casillas - Carvajal, Pepe, Ramos, Coentrao (84./Marcelo) - Kroos, Modric (86./Illarramendi) - J. Rodriguez (72./Isco) - Bale, Benzema, C. Ronaldo .

FC Sevilla : Goolhaye Beto - Coke (84./Figueiras), Pareja, Fazio, Navarro - Krychowiak, Carrico - A. Vidal (66./Aspas), Suarez (79./Reyes), Vitolo - Bacca .

Halkaan ka Daawo Real Madrid Vs Fc Sevilla iyo Goolashii la iskaga badiyay