Gudoomiye Mungaab oo gaaray magaalada Stokchom ee dalka Sweden si diirana loo soo dhoweeyey (SAWIRRO)

Guddoomiyaha gobolka Banaadir ahna duqa magaalada Muqdisho Xasan Maxamed Xuseen Mungaab iyo wafdi uu hogaaminayo ayaa gaaray magaalada Stokchom ee dalka Sweden.

Socdaalka gudoomiye Mungaab iyo wafdigiisa ayaa ka dambeeyey markii ay casuumaad ka heleen duqa magaalada Stokchom Mr. Sten Nordin.

Wafdiga Guddoomiyaha ayaa markii uu ka soo degay garoonka dayaaradaha magaalada Stockholm waxaa halkaas ku soo dhoweeyet Soomaali badan oo garoonka u tegay inay soo dhaweeyaan, wuxuuna u mahadceliyay dadkii soo dhaweeyay.

Mungaab ayaa inta uu dalkaas joogo waxaa sidoo kale uu la kulmi doonaa Baarlamanka Swedan iyo Soomaalida ku dhaqan dalkaas oo uu kulan weyn kala qeybgeli doono, waxaana ka dib uu safaro kan la mid ah ku tegi doonaa dalal ka tirsan Yurub.