Soomaali Maryooleey Meel u Dambaysaahi Xumaa!

Dowladda:- Villa Soomaliya Waxaa Ka Dhacay Heshiis Taariikhi ah.

Maalintii Arbacada waxa Xarunta Madaxtooyada ee Villa Soomaaliya looga dhawaaqay waxa loogu yeeray Heshiis Taariikhi ah oo Maamul Goboleed loogu samaynayo Gobolka Galgaduud iyo gabal ka mid ah Gobolka Mudug, waxa ka qayb galay Xafladii ka dhacday Aqalka Madaxtooyada Soomaliya Madaxwaynaha Federaalka Soomaaliya Mudane Xasan Shiikh Max’uud, Raysulwasaare Cabdi-Weli Shiikh Axmed, Xubno ka socday labada Gole ee Dowlada, Cuqaal, Nabadoono,Waxgarad, Ergeyga Xoghayaha Guud ee Qaramada Midoobey u qaabilsan Soomaaliya Nicholas Kay iyo Xubno ka socday Beesha Caalamka.

Waxa halkasi lagu gaaray Heshiis ka kooban 11 Qodob oo Maamul loogu samaynayo Gobolka Galgaduud iyo gabal ka mid ah Gobolka Mudug, waxaana Qalinka ku duugey Madaxwaynaha Maamulka Gal-Mudug State Cabdi Xasan Cawaale Qaybdiid, Gudomiyaha Golayaasha Maamulka Ahlusunna Waljamaaca Ibraahin Sheikh Xasan Guureeye, waxaana Madasha ka maqnaa Madaxdii Maamulka Cadado oo goobta laga sheegay iney Saxiixa ka soo daaheen.

Goobtii lagaga dhawaaqay Maamul u samayntaas wxaa ka hadaly oo ka mid ahaa Dadka uu sida tooska ah u khuseeyey Heshiiskasi Madaxwaynaha Maamulka Gal-Mudug State Cabdi Xasan Cawaale Qaybdiid waxa uuna yiri, “ Fad ama ha Fadin waa lagu Fadsiin oo macnaheedu yahay Diid ama ha diidin waa lagu rabsiin ama khiyaar ma lihid ”.

Dad badan ayaa durba soo dhoweeyey Heshiiskasi oo Muraadkoodu ahaa oo kaliya in mar uun Maamul loo sameeeyo Mudug iyo Galgduud oo qayb ka ah Mushkiladda Soomaliya, Iyadoo sidaasi jirto ayaa hadana waxa laga diidey Magaalooyinka Guriceel iyo Cadaado, Madaxwaynaha Maamulka Ximan iyo Xeeb Max’ed Cabdilaahi Baarleex oo ShirJjaraa’id ku qabtay Magaalada Muqdisho 24 Saac ka dib markii Heshiisku dhacay ayaa Gaashaanka u daruuray Heshiiska iyo Waxyaabihii ka soo baxay .

“ Waxaan doonaynaa oo naga go’an in Gobolada dhexe ee Soomaliya Maamul loo sameeyo, lakiin waxba kalama socono Heshiiska ka dhacay Maalintii Arbacada Villa Soomaaliya” sidaa waxaa yiri Madaxwaynaha Maamulka Ximan iyo Xeeb Max’ed Cabdilaahi Baarleex.

Mr. Baarleex waa uu sii hadlay waxa uuna bayaaniyey waxa uu kaga soo horjeedo Heshiiska Maamulka loogu samaynayo Gobolada Dhexe waxa uun yiri “ Heshiiskaasi waxa uu ka soo horjeedaa oo uu jebinayaa Dastuurka Federaalka ee Soomaaliya oo sheegaya in Maamul u samaynta Gobolada laga soo bilaabo halka ugu hoosaysa ee aanay xaq u lahayn iney Dowlada dhexe ku dhaqaaqdo”.

Madaxwayne Baarleex waxa uu shirkiisa Jaraa’id baaq ugu diray Beesha Caalamka iyo Dowlada Federaalka Soomaaliya. “ Beesha Caalamka waxaan u sheegynaa in aan la marin hababin oo ay Xaqiiqda ogaadaan, Dowladana waxaan ka Codsanynaa in aanay kala gayn dadka Walaalaha ah ee ku nool Gobolada Dhexe”.

Sidaasi si al mid ah waxaa Heshiiska Maamulka loogu samaynayo Gobolada dhexe ka hor yimid Gudoomiyaha Golaha Fulinta ee Maamulka Ahlusunna Waljamaaca Sheikh Ashcari oo fadhigiisu yahay Magaalada Guriceel waxa uuna yiri. “ Saxiixa Heshiiska waxaa lahaa oo Siyaasadda u metela Ahlusunna Golaha Fulinta mana jirin Cid golaha Funilta ee Ahlusunna ay Saxiixa u Wakiilatay”.

Heshiiska ka dhacay Villa soomaaliya waxa ay qaadacaadii ugu waynyd ka soo wajhday Magaalada Cadoodo, waxaana ka dhacay Banaanbax kii ugu waynaa inta la Xasuusto ee Cadaado ka dhaca oo lagu diidan yahay Heshiiskaasi, waxaana dadkii isugu soo baxay la haday Madaxwayne ku xigeenka Maamulka Ximan iyo Xeeb Cabdi kuus Suldaan Axmed Nuur.

“ Heshiiska ka dhacay Magaalada Muqdisho waa Heshiis Qudba-siro ah, mana garanyo cidda lagala cararayo” wax uuna intaa ku daray “ waxaan u sheegyaa dadka ay khusayso Maamul u samaynta Gobolada Dhexe in ay weli Gogoshii ka fidsan tahay Magaalada Cadaado, taasoo lagu balansanaa 5-ta Bisha Augusto”.

Soomalidu waxay ku Maahmaahdaa Meesha Bugta iyo Fartaa is og, Gunaanadkii Saxiixa ee ka dhacay Villa Soomaaliya waxaa ka hadlay Madxwaynaha Soomaaliya Xasan Shiikh Max’uud, waxa uuna yiri.” Waxaa Maanta la gaaray Heshiis Maamul loogu samaynayo Gobolada Dhexe gaar ahaan Galgaduud iyo Mudug, Heshiiskaasu waxba u dhimi maayo Maamul Goboleedka Puntland maadaama aan lagu fargelinyn Maamulkooda” .

24 Saac ka dib waxaa Heshiiska Muqdisho lagu gaaray ka hadlay Madaxwaynha Dowlad Goboleedka Puntland Cabdi-Weli Max’ed Gaas oo si wayn uga soo horjeestay in Maamul Goboleed loo sameeyo Gobolada Mudug iyo Galgduud, waxa uuna yiri. “ Hadaan nahay Puntland waxaan ka soo horjeednaaa in maamul loo sameeyo Gobolada dhexe oo ay ku dhawaaqdo Dowlada dhexe ee soomaaliya” waxa uuna intaa sii raaciyey “ waxaan Xiriirkii u jarnay Dowlada Federaalka Soomaliya, waxaana ugu baaqaya Xubnaha Baarlamaanka ee Ka soo jeeda Puntland iyo Marwo Caasha Geele oo Madax ka ah Gudiga dib u eegista Dastuurka iney ka hor yimaadaan Heshiiskaas oo ay dib ugu soo laabtaan Puntland”

Si kastaba inkastoo Heshiiskani ka hor imanyo Dastuurka oo sheegaya in laba Gobol iyo ka badan ay noqon karaan Maamul Goboleed, waxa hubaal ah in Gobolada dhexe ee Soomaliya gaar ahaan Mudug iyo Galgduud ay Maamul u baahan yihiin Maadaama ay qayb ka yihiin Mushkilada Soomaaliya, laakiin mar hadii dadkii ay khusaysay aanay Maamul samaysanayn, oo aanay hadana ogolaanayn in loo sameeyo Maamul, oo hadana meelihii Maamuladu ka jireen aanay raali ka noqonyan in Maamul iyo Nidaam loo sameeyo meelihii Fowdada ahaa, sow lama oran karo Soomaali Maryooleey meel u danbaysaahi Xumaa!!!.

W/D. Cabdinaasir Xirsi Iidle.

E-Mail. Naasirx1@hotmail.com.

00-252-615503978.


Xafiiska Warqabadka Dayniile.com
Webmaster@dayniile.com
Tafatiraha Wabka Dayniile.com

Deyniilecom@hotmail.com
Webmaster@dayniile.com

Copyright © 2007 Dayniile.com All Rights Reserved

Contact Us at: Dayniilecom@hotmail.com

 

DecorCollection歐洲傢俬| 傢俬/家俬/家私| 意大利傢俬/實木傢俬| 梳化| 意大利梳化/歐洲梳化| 餐桌/餐枱/餐檯| 餐椅| 電視櫃| 衣櫃| 床架| 茶几

橫額| 貼紙| 貼紙印刷| 宣傳單張| 海報| 攤位| foamboard| 喜帖| 信封 數碼印刷

QR code scanner| SME IT| system integration| inventory management system| label printing| Kiosk| Voice Picking| POS scanner| POS printer| System Integrator| printing labels| warehouse management| thermal printer| mobile solutions| mdm solutions| mobile device management

邮件营销| Email Marketing| 電郵推廣| edm营销| 邮件群发软件| edm| 营销软件| Mailchimp| Hubspot| Sendinblue| ActiveCampaign| SMS

Tomtop| Online shop| Online Einkaufen

地產代理/物業投資| 租辦公室/租寫字樓| 地產新聞| 甲級寫字樓/頂手| Grade A Office| Commercial Building / Office building| Hong Kong Office Rental| Rent Office| Office for lease / office leasing| Office for sale| Office relocation

香港甲級寫字樓出租

中環中心| 合和中心| 新文華中心| 力寶中心| 禮頓中心| Jardine House| Admiralty Centre| 港威大廈| One Island East| 創紀之城| 太子大廈| 怡和大廈| 康宏廣場| 萬宜大廈| 胡忠大廈| 信德中心| 北京道1號| One Kowloon| The Center| World Wide House

| 國際小學| 英國學校| International schools hong kong| 香港國際學校| Wycombe Abbey| 香港威雅學校| school day| boarding school Hong Kong| 香港威雅國際學校| Wycombe Abbey School

Addmotor Electric Bike| Electric bike shop / electric bicycle shop| Electric bike review| Electric trike| Fat tire electric bike| Best electric bike| Electric bicycle| E bike| Electric bikes for sale| Folding electric bike| Electric mountain bike| Electric tricycle| Mid drive electric bike Juiced Bikes Pedego Rad-Power